Изгледа дека робот-правосмукалките на Ecovacs се прилично лесни за хакирање, пишува новинарот на Vice, Луис Прада, тврдејќи дека оваа кинеска компанија има долга историја на безбедносни пропусти кои им овозможуваат на злонамерните лица да прават сѐ што сакаат со овие мали уреди, како што е шпионирање на сопствениците користејќи ја вградената камера.
Според неговите зборови, Ecovacs повторно бил хакиран во повеќе сојузни држави во САД. Проблемот наводно е поврзан со моделот Deebot X2. Како што пренесува Луис Прада, хакерите ја презеле контролата врз уредите и ги користеле вградените звучници за да емитуваат расистички навреди наоколу. Еден од засегнатите бил адвокат од Минесота по име Даниел Свенсон. Гледал телевизија кога слушнал чудни звуци од правецот на неговата правосмукалка. Ја сменил лозинката и го рестартирал уредот. Сепак, чудните звуци повторно се појавиле. Потоа, правосмукалката почнала да извикува расистички навреди како незадоволна слугинка.
Наводно, имало повеќе пријави за слични инциденти низ САД во исто време. Според Vice, еден од нив се случил во Лос Анџелес, каде што правосмукалката бркала куче додека извикувала навреди. Друг инцидент се случил во El Paso, каде што правосмукалката продолжила да извикува навреди сè додека сопственикот не ја исклучил.
Неколку истражувачи во областа на сајбер безбедноста, пишува Луис Прада, објавиле порано оваа година извештај за Ecovacs, укажувајќи на бројни безбедносни пропусти на брендот. Изгледа дека компанијата сè уште не ги решила сите свои критични проблеми, ниту пак веруваат дека нивните правосмукалки воопшто можат да бидат хакирани. Така е барем според зборовите на сопственикот Даниел Свенсон, кој тврдел дека корисничката поддршка не му поверувала кога им рекол дека неговата правосмукалката извикува расистички навреди.
„Судејќи според апсурдноста на ситуацијата, можеби и јас би бил малку скептичен,“ заклучува Даниел Свенсон. Но, како што вели, со оглед на опуштениот став на компанијата кон сајбер безбедноста, изгледа дека корисничката поддршка треба да биде информирана дека повремено може да добијат повици за „расистички правосмукалки.“
Свенсон вели дека корисничката поддршка верува дека хакерите можеби добиле пристап преку процес наречен „credential stuffing,“ при кој старите лозинки кои се собираат со хакирање на други веб-страници и сервиси и се користат за пристап до други аспекти од дигиталниот живот на корисниците.
Извор: Bizlife.rs
